दाङको तुलसीपुर उपमहानगरपालिकामा नेकपा एमालेका तर्फबाट वडाध्यक्ष उम्मेदवार बनेका लवरु चौधरीको निधन भएको छ ।
चौधरीको काठमाडौंमा उपचारका क्रममा निधन भएको एमाले तुलसीपुर अध्यक्ष माधव वलीले चौधरीले जानकारी दिए । चौधरी तुलसीपुर वडा नम्बर १७ मा उम्मेदवार थिए ।
बिरामी भएपछि उनी चार दिनअघि काठमाडौं आएका थिए । चुनाव प्रचारप्रसारका क्रममा बिरामी परेपछि चौधरीलाई उपचारका लागि दुईपटक नेपालगञ्जस्थित भेरी अस्पतालमा लगिएको थियो ।
त्यहाँ उपचार सम्भव नभएपछि थप उपचारका लागि काठमाडौंको शिक्षण अस्पतालमा ल्याइएको थियो । उनको कलेजोमा समस्या रहेको भन्ने बुझिएको एमाले तुलसीपुर अध्यक्ष वलीले जानकारी दिए ।
चौधरी ०७४ को चुनावमा तुलसीपुर १७ को वडा सदस्यमा निर्वाचित भएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
