मुस्लिम आयोगका अध्यक्ष समिम मियाँ अन्सारीले नियोजित ढंगले आफ्नो चरित्र हत्या गर्ने प्रयास गरिएको बताएका छन् ।
जनकपुरधाममा केही गुन्डाहरूले आफूसँग अभद्र व्यवहार गर्ने प्रयास गर्दा प्रहरीले सुरक्षा दिएर आफूलाई त्यहाँबाट निकाली एअरपोर्टसम्म पुर्याएको स्पष्ट पारेका छन् ।
अध्यक्ष अन्सारीले आफूमाथि पैसा बाँडिरहेको अवस्थामा प्रहरीले नियन्त्रणमा लिएको आरोप बिलकुलै निराधार र कपोलकल्पित रहेको दाबी गरेका छन् ।
बिहीबार बिहान जनकपुरधामस्थित होटेल सीताशरणमा अध्यक्ष अन्सारीले मतदातालाई प्रभावमा पार्न पैसा बाँडिरहेको भन्दै केही व्यक्तिहरुले होटेल घेराउ गरेका थिए ।
प्रहरीले अन्सारीलाई होटलबाट विमानस्थलसम्म पुर्याएका थिए । धनुषाका प्रहरी प्रमुख प्रहरी उपरीक्षक बसन्त रजौरेले आफूहरुले उनलाई नियन्त्रणमा नलिएको र अन्सारी संवैधानिक निकायका व्यक्ति रहेकाले उनको खानतलासी गर्ने अधिकारसमेत नभएको बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।