घरेलु टाेली नेपालविरुद्धकाे महिला टी-२० अन्तर्राष्ट्रिय सिरिज युगान्डाले हात पारेकाे छ ।
युगान्डाले आज सम्पन्न तेस्रो खेलमा ६ विकेटकाे जित हात पार्दै दुई खेल अगावै सिरिजमाथि कब्जा जमाएकाे हाे ।
१०० रनकाे लक्ष्य युगान्डाले १८.२ओभरमा चार विकेट गुमाउँदै पूरा गर्याे ।
युगान्डाका लागि केविन अविनाेले अविजित ४२ रनकाे याेगदान दिइन् । उनले ५१ बलमा चार चाैका प्रहार गरिन् ।
जेनेट एम्बाबाजीले २७ बनाउँदा अन्य ब्याटरले दाेहाेराे अंकमा रन बनाउन सकेनन् ।
नेपालका लागि कविता कुँवरले दुई तथा रूबिना क्षेत्री र इन्दु बर्माले एक/एक विकेट हात पारे ।
यसअघि कीर्तिपुरस्थित त्रिवि क्रिकेट मैदानमा टस जितेर ब्याटिङ राेजेकाे नेपालले निर्धारित २० ओभरमा आठ विकेट गुमाउँदै ९९ रन बनाएकाे थियाे ।
नेपालका लागि ज्याेति पाण्डेले सर्वाधिक ४७ रनकाे याेगदान दिइन् । ५४ बलकाे सामना गर्दै उनले पाँच चाैका प्रहार गरिन् ।
कप्तान रूबिना क्षेत्रीले अविजित १८ र सीता राना मगरले १२ रन बनाउँदा अन्य ब्याटरले दाेहाेराे अंकमा रन जाेड्न सकेनन् ।
युगान्डाका लागि फिओना कुलुमे,कोन्सी अविको र सारा अकिटेंगले दुई / दुई तथा जेनेट एम्बाबाजी र रिता मुसामालीले एक/एक विकेट लिए ।
याे जितसँगै पाँच खेलकाे सिरिजमा युगान्डाले ३-० काे अग्रता लिएकाे छ । यसअघि उसले १२ रन र १ विकेटकाे जित हात पारेकाे थियाे । चाैथाे खेल शुक्रबार हुनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
