धनगढी उपमहानगरको ताजा मत परिणामअनुसार मेयरका स्वतन्त्र उम्मेदवार गोपाल हमाल झन्डै १० हजार मतले अगाडि देखिएका छन् ।
उनले १९ हजार ६२१ मत ल्याउँदा उनका प्रतिस्पर्धी नेपाली कांग्रेसका नृपबहादुर ओडले ९ हजार ७११ मत पाएका छन् ।
हमाल र ओडबीच ९ हजार ९१० मतको फरक देखिएको छ । त्यस्तै, एमालेका रणबहादुर चन्द ४ हजार ७३४ मत पाएका छन् ।
उपमेयरमा भने नेकपा माओवादी केन्द्रकी शान्ति अधिकारीको अग्रता छ ।
उनले ८ हजार ९५९ मत पाउँदा उनलाई पछ्याइरहेकी नेकपा एमालेकी कन्दकला राना ८ हजार २८७ मत ल्याएकी छन् ।
स्वतन्त्र उम्मेदवार प्रभाकर भण्डारी ५ हजार २६४ मत छ । मत गणना जारी छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
