जनकपुरधाममा कांग्रेसका बागी उम्मेदवार साहलाई गठबन्धनको भन्दा तीन गुणा बढी मत
फरकधार / ७ जेठ, २०७९

धनुषाको जनकपुरधाम उपमहानगरपालिकामा कांग्रेसका बागी उम्मेदवार मनोज साह ९ हजार १९४ मतसहित अग्रस्थानमा छन् ।



दोस्रो स्थानमा रहेका नेकपा (एमाले)का शिवशंकर साहले सातहजार १९३ मत ल्याएका छन् । २५ मध्ये १६ वटा वडाको मत गणना सकिँदा सो नगरमा सत्तारूढ गठबन्धनका प्रमुख पदका उम्मेदवार कमजोर देखिएका छन् ।

गठबन्धनबाट मेयरमा उमेदवारी दिएका जनता समाजवादी पार्टी (जसपा)का लालकिशोर साहले तीनहजार ३०१ मत मात्र पाएका छन् । गठबन्धनका लालकिशोर मनोजभन्दा पाँच हजार ८९३ मतले पछाडि छन् ।



लोकतान्त्रिक समाजवादी पार्टी (लोसपा)का मनोज चौधरीले तीनहजार ५९५ मत ल्याएका छन् भने स्वतन्त्र उम्मेदवार बलराम महतोले तीन हजार २२ मत ल्याएका छन् ।



तर, उपमेयरमा भने गठबन्धनको तर्फबाट उम्मेदवार कांग्रेसका किशोरी साहले अग्रता कायमै राखेका छन् ।

  • प्रकाशित मिति : जेठ ७, २०७९ शनिबार २१:३८:४४,   अन्तिम अपडेट : जेठ ७, २०७९ शनिबार २१:४५:१०

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया