काठमाडौं महानगरपालिकाको मेयरमा विजयी बालेन्द्र शाह (बालेन) ले आज धन्यवाद सभा गर्दैछन् । उनले आज बिहान टुँडीखेलमा धन्यवाद सभा गर्न लागेका हुन् ।
बालेनका समर्थक तथा कलाकार अर्जुन घिमिरेका अनुसार त्यसअघि समर्थकहरू प्रदर्शनी मार्गस्थित राष्ट्रिय सभागृह क्षेत्रमा भेला हुनेछन् ।
त्यसपछि र्याली निकालिने घिमिरेले बताए । र्याली सभागृहबाट भद्रकाली, सहिद गेट, त्रिपुरेश्वर हुँदै टुँडिखेलमा पुग्नेछ । ३० वैशाखमा सम्पन्न स्थानीय तह निर्वाचनमा स्वतन्त्र उम्मेदवारी दिएका बालेन भारी मतान्तरले महानगरको प्रमुखमा निर्वाचित भएका हुन् ।
महानगरको मतगणना गएराति सकिएको हो । औपचारिक घोषणा भने आज बिहान ८ बजे गरिने मुख्य निर्वाचन अधिकृतको कार्यालयले जनाएको छ ।
महानगरको उपमेयरमा नेकपा एमालेकी सुनिता डंगोल भारी मतसहित विजयी भएकी छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
