प्रधानमन्त्री शेरबहादुर देउवाले लिपुलेक, लिम्पियाधुरा, कालापानी नेपालकै भूभाग भएकोमा सरकार स्पष्ट रहेको बताएका छन् ।
उनले प्रतिनिधिसभाको बैठकमा नीति तथा कार्यक्रममाथि उठेका प्रश्नको जवाफ दिने क्रममा यस्तो बताएका हुन् ।
उनले नेपाल सरकार नेपाली भूमिको रक्षा गर्न प्रतिबद्ध रहेको पनि बताए ।
सीमासम्बन्धी विषय संवेदनशील हुने भन्दै वार्ता र कूटनीतिक माध्यमबाट समाधान गर्नुपर्छ भन्ने मान्यता सरकारको रहेको उनको भनाइ छ ।
उनले यसअनुसार हाम्रो कूटनीतिक संवाद जारी रहेको पनि उनले सुनाए ।
'लिम्पियाधुरा, लिपुलेक, कालापानी नेपाली भूमि हो भन्नेमा नेपाल सरकार स्पष्ट छ । सीमासम्बन्धी विषय संवेदनशील हो भने वार्ता र कूटनीतिक माध्यमबाट समाधान गर्नुपर्छ भन्ने हाम्रो मान्यता रहेको छ' उनले भने 'यसअनुसार हाम्रो कूटनीतिक संवाद जारी छ ।'
सीमासम्बन्धी विषयलाई नीति तथा कार्यक्रममा पनि उचित स्थान दिएको उनले बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।