आइसिसी यु-१९ महिला विश्वकप एसिया छनोटका लागि मलेसिया जाने नेपाली क्रिकेट टोलीलाई बिदाई गरिएको छ ।
नेपाल क्रिकेट संघ (क्यान)ले मंगलबार एक कार्यक्रमबीच टोलीको बिदाई गरेको हो ।
छनोटमा नेपालसहित, आयोजक मलेसिया, युएई, थाइल्याण्ड, भुटान र कतार छन् ।
तालिकाअनुसार नेपालले ३ जुनमा कतारविरुद्धको खेलबाट छनोटको सुरुवात गर्नेछ ।
नेपालले दोस्रो खेल युएईविरुद्व ४ जुनमा खेल्दा ६ जुनमा भुटानसँग तेस्रो खेल खेल्नेछ । त्यस्तै, नेपालले ७ जुनमा थाइल्याण्डसँग चौथो खेल र ९ जुनमा मलेसियाविरुद्ध पाँचौँ तथा अन्तिम खेल्नेछ ।
छनोटको शीर्ष स्थानमा रहने टोली अर्को वर्ष दक्षिण अफ्रिकामा हुने यु-१९ विश्वकपका लागि छनोट हुनेछ ।
पहिलोपटक आयोजना हुन लागेको यु-१९ महिला विश्वकपमा १६ टोलीको सहभागिता रहनेछ ।
क्यानले कृतिका मरासनीको कप्तानीमा १४ सदस्यीय नेपाली टोली घोषणा गरिसकेको छ ।
नेपाली टोली
कृतिका मरासनी (कप्तान), स्नेहा महरा (उपकप्तान), मनीषा उपाध्याय, एलिसा यादव (विकेटकिपर), साना प्रविन, सृष्टि जैसी, आस्मा पुलामी मगर, सानु राजवंशी, किरण कुँवर, रञ्जु श्रेष्ठ (विकेटकिपर), मनीषा राना मगर, अञ्जली विक, अनु कडायत र सुस्मिता भुसाल
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
