काठमाडौंमहानगरपालिकाका नवनिर्वाचित मेयर बालेन्द्र साहले प्रधानमनत्री शेरबहादुर देउवासँग भेट गरेका छन् ।
भेटमा प्रधानमन्त्री देउवाले बालेनलाई बधाई दिँदै पाँचवर्षे कार्यकालमा आफ्नो पूर्ण समर्थन र सहयोग हुने प्रतिबद्धता जनाएका थिए ।
‘तपाईंले चमत्कार गर्नुभयो, म खुशी छु,’ भेटमा प्रधानमनत्रीले भने, ‘५ वर्षको कार्यकालमा हाम्रो पूर्ण समर्थन हुने छ । मलाई २४ घण्टा नै सम्झन सक्नुहुनेछ।’
महानगरको कार्यपालिकामा कांग्रेसको बहुमत रहेको र विकासको काममा सहयोग आफ्नो सहयोग हुने प्रधनमन्त्रीको भनाइ थियो ।
देउवाले भने, ‘फोहोर व्यवस्थापनको लागि जे–जे उपाय छ लगाउनुहोला, केन्द्र सरकार, मन्त्रालय, सडक विभाग सबैबाट सहयोग हुनेछ।’
यसअघि बालेनले महानगरको मतगणना चलिरहेका बेला एमाले अध्यक्ष केपी शर्मा ओलीलाई भेटेका थिए । उनको सो भेटबारे विभिन्न टीकाटिप्पणी सुरु भएो थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।