नेपालले आज मैत्रीपूर्ण अभ्यास खेलमा ओमानको सामना गर्दैछ । खेल नेपाली समय अनुसार राति पौने १० बजे कतारको सुहिम बिन हमाद स्टेडियममा सुरु हुनेछ ।
एएफसी एसियन कप छनोटका लागि दोहामा तयारी गरिरहेको नेपालले ओमानसँग मैत्रीपूर्ण खेल खेल्न लागेको हो । यसअघि नेपालले मैत्रीपूर्ण खेलमा टिमोर लिस्टको यू–२३ टोलीसँग २–२ तथा श्रीलंकासँग १–१ को बराबरी खेलेको थियो ।
नेपाली टोली कतारबाटै छनोटका लागि कुवेत जानेछ । छनोटको समूह ‘ए’ मा नेपाल कुवेत, इन्डोनेसिया र जोर्डन छन् । छनोट खेलहरू जुन आठदेखि १४ सम्म हुनेछ । नेपालले ८ जुनमा जोर्डनसँग खेल्दै छनोटको सुरुवात गर्नेछ ।
यस्तै, नेपालले ११ जुनमा कुवेत र १४ जुनमा इन्डोनेसियाको सामना गर्नेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
