नेकपा माओवादी केन्द्रका नेता हरिबोल गजुरेलले नेकपा एमालेबाट अहिलेको सत्तारुढ गठबन्धन छाडेर नयाँ समीकरण बनाउने भन्ने विषयमा आएको प्रस्तावबारे कुनै छलफल नभएको बताए ।
उनले यसबारे नेकपा एमालेले कुनै औपचारिक प्रस्ताव नगरेकाले अहिले यो विषयमा कुनै छलफल नभएको बताए ।
फरकधारसँगको संक्षिप्त कुराकानीमा गजुरेलले भने, ‘अब यो विषयमा अहिले छलफल नै भएको छैन । अहिले एमालेबाट यस विषयमा औपचारिक रुपमा केही आएको पनि छैन, हामीले छलफल गर्ने कुरा पनि भएन ।’
तत्काल गठबन्धन फुटाएर अगाडि जाने पार्टीको सोच नभएको पनि उनले बताए । ‘तर, राजनीतिमा नयाँ पुराना समीकरण बनिरहन्छन्, भत्किरहन्छन्, सम्भावनाहरु नयाँ नयाँ थपिँदै जान्छन्,’ उनले भने ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
