चार्जिङ स्टेसन बनाउने हेटौंडा उपमहानगरको तयारी
फरकधार / ५ असार, २०७९

हेटौंडा उपमहानगरपालिका नगर कार्यपालिकाको बैठकले हेटौंडा–१५ मा विद्युतीय सवारी चार्ज गर्ने स्टेसन निर्माणका लागि जमिन दिने निर्णय गरेको छ ।
 
बैठकले पूर्वपश्चिम राजमार्ग भएर गुड्ने विद्युतीय सवारीलाई लक्षित गर्दै हेटौंडा– १५ को रातोमाटे लच्कानजिकै चार्जिङ स्टेसन निर्माणका लागि जमिन दिने निर्णय गरेको हो । 



वडा कार्यालय, स्थानीय बासिन्दा, सामुदायिक वन उपभोक्ता समूहले जमिन दिनका लागि समस्या नभएको निर्णय गरेपछि उपमहानगरको कार्यपालिका बैठकले स्टेसन निर्माणका लागि करिब ५ कठ्ठा जमिन दिने निर्णय गरेको प्रवक्ता न्यौपानेले जानकारी दिए ।

कार्यपालिका बैठकले हेटौंडा–१२ पुर्ननवा आयुर्वेदिक अस्पताललाई पनि जग्गा दिने निर्णय गरेको छ । बैठले उपमहानगरको विकट क्षेत्रमा रहेर शैक्षिक गुणस्तर वृद्धिमा लागेका शिक्षकलाई भत्ता दिने निर्णय गरेको छ । 



बैठक शनिबार हेटौंडा उपमहानगरपालिकाकी नगर प्रमुख मीनाकुमारी लामाको अध्यक्षतामा भएको थियो ।



  • प्रकाशित मिति : असार ५, २०७९ आइतबार १७:३३:४८,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया