जनता समाजवादी पार्टी (जसपा) संघीय परिषद्का अध्यक्ष डा. बाबुराम भट्टराईले अचाक्ली महँगीले जनता मर्कामा पर्न थालेको बताएका छन् । सरकारले पटक पटक इन्धनमा गरेको मूल्यवृद्धिले सबैतिर महँगी बढ्ने उनको तर्क छ ।
बुधबार ट्विटमा उनले मूल्यवृद्धि नियन्त्रणमा ध्यान नदिइनु विडम्बनापूर्ण भएको उल्लेख गर्दै राजनीतिक दल र नेता सत्ता र गठबन्धनको लागि मात्रै लिप्त रहेको बताएका हुन् ।
‘हाम्रा दल नेता सत्ता गठबन्धनको अरिथमेटिकमा लिप्त रहनु तर अर्थतन्त्र र मूल्यवृद्धिको अलजेब्रा क्यालकुलसमा अनिच्छुक र कमजोर रहनु विडम्बनापूर्ण छ। विशेषतः इन्धनमा मूल्यवृद्धिले उत्पादन, ढुवानी, यातायातको लागत बढाएर सबैतिर महँगी बढ्छ ! यो अचाक्ली महँगीले जनताको ढाड भाँचिँदैछ। खै सरकारी पहल?’, भट्टराईले ट्विटमा लेखेका छन् ।
हाम्रा दल/नेता सत्ता/गठबन्धनको अरिथमेटिकमा लिप्त रहनु तर अर्थतन्त्र र मूल्यवृद्धिको अलजेब्रा/क्यालकुलसमा अनिच्छुक र कमजोर रहनु विडम्बनापूर्ण छ।विशेषतः इन्धनमा मूल्यवृद्धिले उत्पादन,ढुवानी,यातायातको लागत बढाएर सबैतिर महॅगी बढ्छ!यो अचाक्ली महॅगीले जनताको ढाड भाॅचिदैछ।खै सरकारी पहल? pic.twitter.com/HUyS0gFKjB
— Baburam Bhattarai (@brb1954) June 22, 2022
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
