नेकपा एमालेका महासचिव शंकर पोखरेलले आगामी प्रतिनिधिसभा तथा प्रदेश सभा निर्वाचनमा एमाले मुलुकको सबैभन्दा ठूलाे पार्टी बन्ने दाबी गरेका छन् ।
नेपाल मुस्लिम इत्तेहाद संगठनको कार्यक्रमलाई शनिबार सम्बोधन गर्दै उनले यस्तो दाबी गरेका हुन् ।
स्थानीय तह निर्वाचनमा एक्लै निर्वाचन लड्दा केही मतले पछि परेको उनको तर्क छ । उनले निर्वाचनमा चार पाँच प्रतिशत मात्र मत बढाए एमाले पुनः पहिलो शक्ति बन्ने दाबी गरे ।
मुलुक बनाउने शक्ति एमाले मात्रै भएकाले जनताले आगामी निर्वाचनमा सहयोग गर्ने उनले विश्वास व्यक्त गरे । उनले पार्टीलाई संगठित र एकताबद्ध बनाएर जनताको बलमा निर्वाचन जित्ने बताए ।
विगतमा मधेसमा चौथो पोजिसनमा रहेको एमाले स्थानीय तह निर्वाचनपछि अहिले दोस्रो पोजिसन कायम गरेकोमा उनको भनाइ छ । उनले मधेसको समस्या समाधानमा एमाले प्रतिबद्ध रहेको बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।