पूर्वमन्त्री शंकर कोइरालाको टोलीले भोजपुरको विकासका लागि भन्दै प्रधानमन्त्री शेरबहादुर देउवासँग भेटघाट गरेका छन् ।
आज बिहान बालुवाटारस्थित निवासमै पुगेर भएको भेटमा टोलीले भोजपुर र संखुवासभा भएर बग्ने अरुण नदीमा भारतीय निर्माण कम्पनी एसजेभिएनले निर्माण गर्न लागेको जलविद्युतमा सम्झौताअनुसार पाउनुपर्ने सुविधामा सहभागिता पाउनुपर्ने माग राखेको थियो ।
भेटमा पूर्वमन्त्री कोइरालाले सरकारले पाउने शेयर, रोयल्टीलगायतमा विषयमा भोजपुरेहरूको पनि समान सहभागिता सुनिश्चित हुनुपर्ने माग राखेका थिए ।
साथै, प्रधानमन्त्री र टोलीबीच चतरा हुँदै अरुण करिडोरमा बन्ने सडकलाई विशेष ध्यान दिनुपर्ने, पर्यटन पूर्वाधार, धार्मिक क्षेत्रको विकासलगायत विषयमा पनि छलफल भएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।