बैतडीमा पहिरोले सिँचाइ कुलो बगायो, छ घर जोखिममा
फरकधार / १६ असार, २०७९

बैतडीमा लगातारको वर्षाबाट आएको बाढी–पहिरोले सिँचाइ कुलो बगाएको छ । बस्तीमाथि जथाभावी डोजरले सडक खन्दा आएको बाढी पहिरोले सिगास गाउँपालिका–३ का दुईवटा सिँचाइ कुलो बगाएको हो ।



२ दिनदेखिको लगातारको वर्षाले गाउँपालिका–३ का दुईवटा सिँचाइ कुलो बगाउनुका साथै ५० रोपनी खेत र छवटा घर उच्च जोखिममा स्थानीयले बताएका छन् ।
  
स्थानीय दानसिंह साउद, करवीर साउद, मानसिंह साउद, कर्ण साउद, जोगा साउद र नवराज साउदको घर उच्च जोखिममा परेका हुन् । सडकबाट आएको बाढी पहिरो खेतमा पसेपछि सिन्याखेतका जोखिममा परेका परिवार घर छाडेर हिँड्न बाध्य भएका छन् ।

यता, जिल्ला प्रशासन कार्यालय बैतडीले बाढी–पहिरोको विषयमा जानकारी प्राप्त भएकाले थप विवरण बुझ्ने काम भइरहेकोे जनाएको छ ।





  • प्रकाशित मिति : असार १६, २०७९ बिहीबार २१:५८:२६,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया