नवनियुक्त भारतीय राजदूत नवीन श्रीवास्तवले नेपाली कांग्रेसका नेता रामचन्द्र पौडेलसँग भेटवार्ता गरेका छन् ।
पौडेल निवास बोहोराटारमा पुगेर राजदूत श्रीवास्तवले उनीसँग भेटवार्ता गरेको नेता पौडेलको सचिवालयले जनाएको छ ।
राजदूत नियुक्त भएर नेपाल आएपछि श्रीवास्तवले पौडेलसँग शिष्टाचार भेट गरेको यो पहिलोपटक हो । भेटका क्रममा वरिष्ठ नेता पौडेलले राजदूत श्रीवास्तवलाई सफल कार्यकालको शुभकामना दिएका थिए ।
भेटमा दुई देशबीचको आपसी सम्बन्ध थप सुदृढ र प्रगाढ बनाउनेबारे कुराकानी भएको बताइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
