नेपालमा आयोजना हुने महिला साफ च्याम्पियनसिपको खेल तालिका सार्वजनिक भएको छ ।
दक्षिण एसियाली फुटबल महासंघ (साफ) ले आइतबार महिला साफको खेल तालिका सार्वजनिक गरेको हो ।
त्रिपुरेश्वरस्थित दशरथ रंगशालामा आयोजना हुने महिला साफ च्याम्पियनसिप २१ भदौदेखि ३ असोजसम्म हुनेछ ।
सार्वजनिक खेल तालिकाअनुसार उद्घाटन खेलमा नेपालले भुटानको सामना गर्नेछ । यी दुईले २१ भदौमा प्रतिस्पर्धा गर्नेछन् ।
यस्तै घरेलु टोलीले समूह चरणको दोस्रो तथा अन्तिम खेलमा २६ भदौमा श्रीलंकासँग खेल्नेछ ।
साफले सहभागी ७ टोलीलाई दुई समूहमा विभाजन गरेको छ ।
नेपाल श्रीलंका र भुटानसँगै समूह ‘बी’ मा छ । यस्तै समूह ‘ए’मा साविक विजेता भारत, माल्दिभ्स, बंगलादेश र पाकिस्तान छन् ।
समूह चरणको खेलपछि समूहको शीर्ष दुई टोलीले सेमिफाइनलमा स्थान बनाउने छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
