बागमती प्रदेशको राजधानी हेटौंडामा स्थानीय वन नीति नियम समुदायमैत्री बनाउने सम्बन्धि छलफल भएको छ ।
मंगलबार हेटौंडा उपमहानगरपालिकाको सभाहलमा स्थानीय वन ऐन नीति नियम समुदाय मैत्री बनाउने र प्रभावकारी बनाउनको लागि समन्वयात्मक बैठक बसेको हो ।
बैठकमा सहभागी स्थानीय वन उपभोक्ता समितिका पदाधिकारीहरुले वनका ऐन नियम परिवर्तन गरी काठ तथा वन्य सामाग्रीको उपयोगमा नागरिकहरुलाई सहजता प्रदान गर्नुपर्ने बताए ।
नीति नियमको कार्यान्वयनमा स्थानीय तहले अधिकार प्राप्त गरे कि गरेनन् भन्ने बिषयमा समेत छलफल भएको थियो ।
हेटौंडा उपमहानगरपालिकाकी मेयर मिनाकुमारी लामाको अध्यक्षतामा भएको कार्यक्रममा हेटौडा उपमहानगरपालिकाका उपाध्यक्ष राजेश बानियाँ, हेटौंडाका विभिन्न वन उपभोक्ता समूहका अध्यक्ष तथा पदाधिकारीहरु, गैसस महासंघकी अध्यक्ष आरती पाठक, हेटौंडा उपमहानगरपालिकाको वातावरण शाखाकी चन्दा खड्का लगायतको आतिथ्यता रहेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
