पर्वत– कुश्मा नगरपालिकाका नगरप्रमुख रामचन्द्र जोशीले नगरपालिकाको १४ वडास्थित आर्थरडाँडाखर्कमा रहेको शुभकल्याण आधारभूत विद्यालयको शैक्षिक विकासका लागि आफ्नो दुई महिनाबराबरको तलब ७० हजारबाट अक्षयकोष स्थापना गरेका छन् ।
विद्यालयको ५७औँ वार्षिकोत्सवको अवसरमा उनले पहिलोपटक अक्षयकोष स्थापना गरेर रकम सहयोग गरेका हुन् । उनले यसअघि नगरपालिकाभित्रका विपन्न, असहाय विद्यार्थीको पठनपाठन, न्यानो कपडा वितरण, बिरामीलाई उपचारलगायत कार्यमा सहयोग गर्दै आएका छन् ।
आफू निर्वाचित भएको झन्डै २२ महिना पुगिसकेको र अहिलेसम्म आफूले प्राप्त गरेको तलब, भत्ताबाट प्राप्त गरेको रकम नगरवासीकै सेवामा खर्च गरेको नगरप्रमुख जोशीले बताए । उनले कुश्मालाई नेपालकै नमुना नगरपालिकाका रुपमा विकास गर्न थालिएको बताउँदै अब नगरका सबै वडामा कालोपत्रे सडक, घरघरमा खानेपानीका धारा, शिक्षा, स्वास्थ्य, सिँचाइलगायत पूर्वाधारको एकीकृत रुपमा विकास गरिने बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
