रुसबाट जर्मनी जाने ग्यास पाइपलाइन शनिबार पनि खुला नहुँने भएको रुसी ऊर्जा कम्पनी ग्याजप्रोमले जनाएको छ ।
ग्यास प्रवाह हुने नर्ड स्ट्रिम १ पाइप लाइनबाट ग्यास चुहेकाले अनिश्चितकालका लागि बन्द गरिएको कम्पनीले जनाएको छ । केही दिनदेखि बन्द उक्त पाइपलाइन शनिबार पुनः खुला हुने बताइएको थियो ।
पाइप लाइनमा मर्मत सम्भार गर्न आवश्यक भन्दै कम्पनीले तीन दिनदेखि ग्यास आपूर्ति रोकेको थियो ।
यो जाडो मौसममा युरोपेली युनियनका मानिसहरुले ताप लिन ठूलो मूल्य चुकाउनुपर्ने त्रासबीच उक्त पाइप लाइन अनिश्चतकालीन समयका लागि बन्द भएको विवरण सार्वजनिक भएको छ ।
रुसले २४ फेब्रवरीदेखि युक्रेनमा हमला गरेपछि ग्यासको मूल्यमा अस्वभाविक वृद्धि भएको छ ।
मस्कोले युद्धका लागि गर्दै आएको खर्च घटाउने प्रयत्नमा युरोपले रुसी ऊर्जा कम प्रयोग गर्ने प्रयास गरे सफल हुन सकेको छैन् ।
रुसी कदम अनौठो नभएको ईयू परिषदका अध्यक्ष चार्ल्स मिसेलले बताएका छन् । ऊर्जामा निर्भर रहने मार्गलाई तीब्रता दिने अध्यक्ष मिसलले बताएका छन् । ‘ युक्रेनका नागरिकको रक्षा र युक्रेनको स्वतन्त्रता नै हाम्रो कर्तव्य हो’, उनले भने ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
