महिला साफ इतिहासमै भुटानकाे पहिलाे जित
फरकधार / २४ भदौ, २०७९

भुटानले नेपालमा जारी छैटौं संस्करणको महिला साफ च्याम्पियनसिप फुटबलमा पहिलो जित निकालेको छ ।



त्रिपुरेश्वरस्थित दशरथ रंगशालामा शुक्रबार भएको खेलमा श्रीलंकालाई ५-० गोल अन्तरले हराउँदै भुटानले साफ इतिहासमै पहिलो जित निकालेको हो ।

भुटानलाई ऐतिहासिक जित दिलाउन डेखी लाजोमले २ तथा नामगेल डेमा, छिरिङ लादेन, छिरिङ याङ्देनले समान १ गोल गरे। 



योसँगै टोलीको सेमिफाइनल पुग्ने सम्भावना बढेको छ । 



४२ औं मिनेटमा नामगेलले गोल गर्दै भुटानलाई अग्रता  दिलाएकी थिइन् ।

डेखीले ५० औं मिनेटमा डेखीले टाेलीकाे अग्रता दोब्बर बनाइन् ।

६३ औं मिनेटमा डेखीले पेनाल्टीमा व्यक्तिगत दोस्रो तथा टाेलीका लागि तेस्रो गाेल गरिन् ।
 
सेलबाराज युवारानीले पेनाल्टी बक्समा आफैँलाई फाउल हानेपछि प्राप्त पेनाल्टीमा डेखीले गोल गरेकी थिइन् । 

८४ औं मिनेटमा छिरिङले टोलीका लागि चौथो गोल गरिन् ।

८९ औं मिनेटमा छिरिङ याङदेनले गोल गरेपछि भुटानले ५-० काे शानदार जित निकाल्याे ।

यस जितसँगै समूह 'बी' मा काे भुटानले २ खेलमा ३ अंक जोड्दा श्रीलंकाले हारबाट प्रतियाेगिताकाे सुरूवात गरेकाे छ ।

भुटानले पहिलाे खेलमा नेपालसँग ४-० काे हार बेहाेरेकाे थियाे ।

यसअघि साफ च्याम्पियनसिपको पहिलो संस्करणमा श्रीलंकासँग १-१ को बराबरी खेल्नु नै भुटानकाे उत्कृष्ट  नतिजा थियो । 

याे जितअघि १४ खेलमा १ बराबरी र १३ हार बेहाेरेकाे भुटानले ७७ गोल खाँदा ३ गोल मात्र गर्न सकेको थियो ।

  • प्रकाशित मिति : भदौ २४, २०७९ शुक्रबार १९:४८:२,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यो सामग्री सेयर गर्नुहोस्


यो पनि नछुटाउनुहोस्
मल्टिमिडिया