निलम्बित प्रधानन्यायाधीश चोलेन्द्रशम्शेर जबराले आफूले राजीनामा दिए महाअभियोग फिर्ता लिने प्रस्ताव नेपाली कांग्रेसका नेताहरुले लिएर आफ्नो घरमा नै आएको दाबी गरेका छन् । उनले दीपक कार्कीलाई प्रधानन्यायाधीश बनाएको खण्डमा महाभियोग फिर्ता लिने प्रस्ताव पनि आएको बताएका छन् ।
आइतबार बसेको महाभियोग समितिको बैठकमा बोल्दै कांग्रेसकी डिना उपाध्याय आफ्नो क्वाटरमा आएको उनले बताएका हुन् ।
‘राजीनामा दिने हो भने हामी सहजीकरण गर्छौँ,’ उनले बयानमा भनेका छन्, ‘दीपकलाई दिनुस् भनेर राजनीतिक पार्टीका शीर्ष नेताले भनेका हुन् । को नेताले भनेको हो म त्यो पनि भन्दिन्छु ।’
उनले त्यसपछि डिनाको नाम लिएका हुन् ।
उनले डिनाजी आफूलाई भेट्न आएको र उनले प्रचण्ड तथा शेरबहादुर देउवासँग छलफल गरेर आएको बताएको पनि बताएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
