मुम्बई– दुई दिनअघि बलिउड नायिका सन्नी लियोनीको एउटा तस्बिर इन्टरनेटमा आयो, जसमा उनी निकै प्रेमपूर्वक मलयाली नायक ममुटीतर्फ हेरिरहेकी छिन् । सामाजिक सञ्जालमा यो तस्बिर एकाएक भाइरल भयो । तस्बिरमा निकै विवादास्पद र आपत्तिजनक कमेन्ट पनि आए ।
मलयालम अभिनेता अजु बर्गिजले फेसबुकमा यो तस्बिर सेयर गर्दै लेखेका थिए, ‘दाजुसँग बहिनी ।’
सन्नीको यस तस्बिरमाथि थुप्रै आपत्तिजनक कमेन्ट आए, व्यापक ट्रोल र मिम्स बने । फोटोमाथि विवाद चुलिएपछि अजुले फेसबुकबाट तस्बिर हटाए । यद्यपि, उनको ट्विटर र इन्स्टाग्राम एकाउन्टमा अझै यो तस्बिर देख्न सकिन्छ ।
“Madhura Raja” & Sunny 😎😎@mammukka @SunnyLeone pic.twitter.com/jxB6zhW6Hc
— Aju Varghese (@AjuVarghesee) January 28, 2019
यी दुई प्लेटफर्ममा पनि मानिसहरुले उस्तै ढंगले कमेन्ट गरेका छन् । यो पनि बताइएको छ कि, कतिपय आपत्तिजनक कमेन्ट ट्विटर र इन्स्टाग्रामबाट हटाइएको छ ।
जानकारीअनुसार, फिल्म ‘मधुर राजा’का निर्माताले सन्नीलाई एक खास गीतका लागि साइन गरेका थिए, जसमा उनी ममुटीका साथ डान्स गर्नेछिन् ।
मधुर राजा सन् २०१० मा रिलिज भएको मलयालम फिल्म ‘पोकिरी राजा’को सिक्वेल हो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
