महँगा साइकल चढ्ने बलिउडका यी कलाकार
फरकधार / १० असोज, २०७९

बलिउड कलाकार महँगा कारसँगै महँगा साइकलका पनि सौखिन छन् । आलिसान जिन्दगी बिताउने उनीहरूमध्ये केहीसँग प्राइभेट जेट पनि छ । जेट र कार भए पनि उनीहरूमा साइकल कुदाउने सोख उत्तिकै छ । त्यसैले उनीहरूलाई कैयौं पटक मुम्बईका सडकमा साइकल कुदाइरहेको भेट्न सकिन्छ ।



सलमान खान
अभिनेता सलमान खानसँग महँगो कार र बाइकको कलेक्सन छ । गत महिना उनी बुलेट प्रुफ गाडी कोयोडा ल्यान्ड क्रुजरका कारण चर्चामा आएका थिए । कार र बाइकका अलावा सलमान साइकलका पनि सौखिन हुन् । उनी कैयौंपटक मुम्बईमा साइकलमा घुम्दै गरेको अवस्थामा भेटिएका छन् । उनीसँग बिइङ ह्युमनको साइकल छ । यसको मूल्य करिब ६० हजार भारु पर्छ ।

रणवीर कपूर
अभिनेता रणवीर कपूर हालका दिनमा फिल्म ‘ब्रह्मास्त्र’ का कारण चर्चामा छन् । यो फिल्मले बक्स अफिसमा राम्रो कलेक्सन गरिरहेको छ । रणवीर महँगो कार र बाइकको सौखिन हुन् । उनी साइकल कुदाउन पनि उत्तिकै चासो दिन्छन् । रणवीरसँग मेट एक्स फोल्डेबल ईबाइक छ, जसको मूल्य डेढ लाख रुपैयाँ पर्दछ । यसमा एक हजार वाटको शक्तिशाली मोटर र स्मार्ट एलसीडी डिस्प्ले छ ।



शाहिद कपूर
अभिनेता शाहिद कपुरसँग डुकाती स्क्रेबलर ११ सय इलेक्ट्रिक साइकल छ । यसको मूल्य साढे दुई लाख रुपैयाँभन्दा बढी पर्छ । यो फेन्सी मोटरसाइकल हो ।



सारा अलि खान
अभिनेत्री सारा अलि खानसँग यू बेन्ट चेचिसको वोग सेलेक्ट साइकल छ । यसको मूल्य करिब १५ हजार रुपैयाँ पर्दछ ।

  • प्रकाशित मिति : असोज १०, २०७९ साेमबार १२:१:८,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया