एसियन कप छनोटमा थाइल्याण्डविरुद्ध नेपाल पराजित
फरकधार / १९ असोज, २०७९

एएफसी यू–१७ एसियन कप छनोटअन्तर्गत थाइल्याण्डविरुद्ध नेपाल ३–० गोल अन्तरले पराजित भएको छ । बुधबार भियतनामको फु थो प्रोभिन्सियल स्टेडियममा सम्पन्न खेलमा नेपालले केही मौका पाए पनि त्यसलाई गोलमा परिणत भने गर्न सकेन ।



पहिलो हाफमा थाइल्याण्डलाई १–० मा रोकेको नेपालले दोस्रो हाफमा दुई गोल बेहोर्न पुग्यो । थाइल्याण्डको जितमा स्ट्राइकर तोतावानले दुई र मिडफिल्डर थानाक्रितले एक गोल गरे । 

नेपालले आफ्नो दोस्रो खेल शुक्रबार घरेलु टोली भियतनामविरुद्ध खेल्ने छ । त्यस्तै, नेपालले अन्तिम खेलमा आइतबार चाइनिज ताइपेईको सामना गर्ने तालिका छ । 



छनोटमा सहभागी ४४ टोलीलाई १० समूहमा विभाजन गरिएको छ । प्रत्येक समूहको शीर्ष टोलीका साथै उत्कृष्ट ६ उपविजेता एसिया कप २०२३ का लागि छनोट हुनेछन् । 



  • प्रकाशित मिति : असोज १९, २०७९ बुधबार १६:५३:८,   अन्तिम अपडेट : असोज १९, २०७९ बुधबार १८:२०:१५

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया