केलियन एम्बाप्पे यूइएफए च्याम्पियन्स लिगमा फ्रेन्च क्लब पेरिस सेन्ट जर्मेन (पिएसजी) का लागि सर्वाधिक गोल गर्ने खेलाडी बनेका छन् ।
च्याम्पियन्स लिगको समूह चरणअन्तर्गत गएराति पोर्चुगिज क्लब बेन्फिकाविरुद्ध १ गोल गर्दै फ्रेन्च फरवार्ड एम्बाप्पे पिएसजीका लागि सर्वाधिक गोलकर्ता बनेका हुन् ।
खेलको ३९औं मिनेटमा पेनाल्टीमा गरेको गोलसँगै उनको पिएसजीका लागि च्याम्पियन्स लिगमा गोल संख्या ३१ पुगेको छ । यसअघि उरुग्वेली फरवार्ड एडिन्सन काभानी ३० गोल सहित सर्वाधिक गोलकर्ता थिए ।
ब्राजिलियन फरवार्ड नेयमार २१ गोलका साथ तेस्रो स्थानमा छन् । एम्बाप्पेले कीर्तिमानी गोल गरेपनि पिएसजी बेन्फिकासँग १–१ को बराबरीमा रोकिएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
