विभागीय टाेली नेपाल एपिएफ क्लब नवौं राष्ट्रिय खेलकुदअन्तर्गत महिला क्रिकेकाे सेमिफाइनल प्रवेश गरेकाे छ । उसले आज सम्पन्न समूह`ए´ अन्तर्गतकाे खेलमा मधेस प्रदेशलाई २७ रनले हराउँदै सेमिफाइनलमा स्थान सुरक्षित गरेकाे हाे ।
१०२ रनको विजयी लक्ष्य पछ्याएको मधेस प्रदेशले २० ओभर नै ब्याटिङ गरे पनि ७ विकेट गुमाउँदै ७४ रन मात्र बनाउन सक्याे । उसका लागि सरस्वतीकुमारी चौधरी र कप्तान कविता गाैतमले सर्वाधिक १३/१३ रनकाे याेगदान दिए ।
अनुराधा चौधरीले ११ रन जोड्द अन्य ब्याटरले दाेहाेराे अंकमा रन बनाउन सकेनन् । एपिएफका लागि नेरी थापाले ३,सुमन विष्ट, इन्दु बर्मा,सुस्मा श्रेष्ठ र सरिता मगरले १/१ विकेट हात पारे ।
त्यसअघि पाेखरा रंगशालास्थित क्रिकेट मैदानमा टस जितेर ब्याटिङ राेजेकाे एपिएफले निर्धारित २० ओभरमा ७ विकेट गुमाउँदै १०१ रन बनाएकाे थियाे ।
उसका लागि ममता चाैधरीले अविजत रहँदै सर्वाधिक १७ रनकाे याेगदान दिइन् । राजमती ऐरीले १६, ज्याति पाण्डेले १५ तथा नेरी थापाले १२ रन जाेडे । मधेसका लागि सरस्वतीकुमारी चाैधरीले ३ तथा कविता गाैतम र शान्ती चाैधरीले २/२ विकेट हात पारे ।
याेसँगै लगातार तेस्रो जित हात पारेकाे एपिएफ ३ खेलमा ६ अंकका साथ शीर्ष स्थानमा रहँदा पहिलाे पराजय बेहाेरेकाे मधेस समान खेलबाट ४ अंकका साथ दोस्रोमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
