नवौं राष्ट्रिय खेलकुद प्रतियोगिताअन्तर्गत महिला फुटबलमा विभागीय टोली एपिएफ क्लबले फराकिलो जित निकालेको छ।
शनिबार भएको खेलमा एपिएफले कर्णाली प्रदेशविरुद्व १६–०को फराकिलो जित निकालेको हो ।
स्याङ्जाको वालिङस्थित खेल मैदानमा खेलको ५औं मिनेटमा सावित्रा भण्डारीले टोलीलाई अग्रता दिलाएकी थिइन्। ९औं मिनेटमा अनिता केसीले टोलीका लागि दोस्रो गोल गरिन् ।
खेलको १३औं र १८औं मिनेटमा सावित्राले गोल गर्दै ह्याट्रिक पूरा गर्दा टोली ४–० ले अघि बढ्यो ।
१९ औं मिनेटमा सरु लिम्बुले पाँचौँ तथा २१ औं मिनेटमा प्रीति राईले छैँटौँ गोल गरिन् । २७ औं मिनेटमा अनिता तथा ३६ औं मिनेटमा सरुले व्यक्तिगत दोस्रो गोल गर्दा एपिएफले ८–० को अग्रता लियो ।
४५ औं मिनेटमा सावित्राले व्यक्तिगत चौथो गोलसँगै टोलीलाई ९–० को अग्रता दिलाइन ।
सविता रानाले पहिलो हाफको थप गरिएको समयमा एपिएफका लागि १०औं गोल गरिन् ।
४८औं मिनेटमा सरु लिम्बुले ह्याट्रिक पूरा गर्दै टोलीलाई ११–०ले अघि बढाइन् । ५२औं मिनेटमा सावित्राले व्यक्तिगत पाँचौं तथा टोलीका लागि १२ औं गोल गरिन् ।
६१औं मिनेटमा मनमाया लिम्बु तथा ७१औं मिनेटमा गिता रानाले गोल गरेपछि एपिएफले १४–०को अग्रता लियो ।
८३औं र ८६औं मिनेटमा रविना गोलेले लगातार दुई गोल गर्दै टोलीलाई १६० को फराकिलो जित दिलाइन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।