नवौँ राष्ट्रिय खेलकुदअन्तर्गत साइक्लिङमा विभागीय टोली त्रिभुवन आर्मी क्लबले २ स्वर्ण हात पारेको छ ।
उसले डाउन हिलतर्फको पुरूष तथा महिला दुवैमा स्वर्ण जितेको हो ।
पुरुषतर्फ राजेश मगरले १४ सय मिटरको दुरी १ मिनेट ४९.१० सेकेण्डमा पूरा गर्दै स्वर्ण जितेका हुन् ।
बागमती प्रदेशका निरभ श्रेष्ठले १ मिनेट ५२.१० सेकेण्डमा दूरी पूरा गर्दै रजत तथा नेपाल एपिएफ क्लबका प्रचित थापा मगरले १ मिनेट ५५.६९ सेकेण्डमा उक्त दूरी पूरा गरी कास्य जिते ।
महिलातर्फ त्रिभुवन आर्मी क्लबकी निस्मा श्रेष्ठले २ मिनेट २३.५८ सेकेण्डमा पूरा गर्दै स्वर्ण पदक जितिन् ।
आर्मीकै उषा खनालले २ मिनेट ३७.४५ सेकेण्डमा दूरी पूरा गर्दै रजत तथा २ मिनेट ४०.०९ सेकेण्डमा दूरी पूरा गर्दै गण्डकी प्रदेशकी जमुना थापाले कास्य पदक हात पारे ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
