नेकपा एमालेका बागमती प्रदेशका उपसचिव तथा एमालेका तर्फबाट मकवानपुर क्षेत्र नम्बर–२ का उम्मेदवार महेशकुमार बर्तौलाले विरोध खतिवडाले यसअघिको निर्वाचन जितेर जनतासँग बेखबर भएको ओप लगाएका छन् ।
एमाले मनहरी गाउँपालिका कमिटीको आयोजनामा भएको कार्यक्रममा बोल्दै बर्तौलाले मनहरीका मतदातासँग खतिवडाले गरेको गल्तीका विषयमा आफूले माफी माग्ने बताए ।
आफू स्कुले जीवनदेखि नै विद्यार्थी राजनीति गरेको र पहिलोपटक जनताको बीचमा मत माग्न आएको बर्तौलाले बताए । आफूलाई जनताले विश्वासको मत दिएर जिताएको खण्डमा असाधारण काम गरेर युवाले जित्दा कस्तो काम गर्छ भन्ने सबैले महसुस गराउने दाबी गरे ।
२०७४को निर्वाचन जितेका खतिवडाले राक्सिराङ र कैलाशमा एक टुक्रा पनि कालोपत्रे नगरेको उनको आरोप छ । आफूले जितेमा मनहरी डाँडाबास सडक कालोपत्रे गरेर यहाँका उत्पादनलाई मनहरी, नारायणघाट तथा हेटौंडाको मुख्यबजार पुर्याएर जनतामा आर्थिक सम्मुन्नति ल्याउने उनको दाबी छ । पाँचवर्षे कार्यकालमा हेटौंडामा बन्द उद्योग सञ्चालन गरेर २ हजार युवा श्रमशक्तिलाई रोजगारीको अवसर सिर्जना गर्ने उनले बताए ।
कार्यक्रममा बागमती प्रदेशका प्रथम मुख्यमन्त्री डोरमणि पौडेलले विपक्षी गठबन्धनले राज्यको ढुकुटीबाट ४ करोड निकालेर परेवाभीरको नाममा झ्वाम पारेको आरोप लगाए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
