जर्मन प्रहरीले इरानमा जारी विरोध प्रदर्शनप्रति ऐक्यबद्धता जनाउँदै बर्लिनमा झण्डै ८० हजार इरानी र उनीहरूका समर्थकहरूले जुलुस निकालेका छन् । जर्मनीको राजधानीमा शनिबारको र्याली इरानी डायस्पोराद्वारा आयोजित अहिलेसम्मकै सबैभन्दा ठूलो भएको मानिन्छ । युरोपभरका इरानीहरूले ‘महिला, जीवन र स्वतन्त्रता’को नारा लगाएका छन् । इरानमा हिरासतमा एक युवतीको मृत्यु भएपछि सुरु भएको विरोध प्रदर्शन छैटौँ हप्तामा प्रवेश गरेको छ ।
राजधानी तेहरानमा १३ सेप्टेम्बरमा हिजाब खुकुलो लगाएको आरोपमा नैतिकतासम्बन्धी पुलिसलले पक्राउ गरेकी २२ वर्षीया महसा अमिनीको हिरासतमै मृत्यु भएको थियो । प्रहरीले उनको टाउकोमा लाठीले कुटेको पीडितका आफन्तले बताउँदै आएका छन, यद्यपि प्रहरीले यसलाई अस्विकार गर्दै युवतीलाई हृदयघात भएको जनाएको छ । उनको मृत्युको विरोध र इरानमा हिजाबविरोधी प्रदर्शनको समर्थनमा शनिबार विभिन्न देशका राजधानी सहरमा प्रदर्शन भएका छन् ।
वर्लिनको ह्यालीमा १ लाख प्रदर्शनकारी सहभागी भएको प्राप्त विवरणमा जनाइएको छ । इरानको शक्तिकाली क्रान्तिकारी गार्डविरुद्ध अझै बढी पश्चिमा प्रतिबन्ध लगाउन उनीहरूले माग गरेका थिए । पश्चिमा देशहरुले इरानी कूटनीतिज्ञहरुलाई देश निकाला गर्नु पर्ने प्रदर्शनकारीले माग गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
