नेकपा एमालेका नेता भीम रावलले निर्वाचन आयोगको चेतावनीपछि असन्तुष्टि जनाएका छन् । आयोगले मंगलबार झुठा पेज र ग्रुप बनाएर दलका नेताविरुद्ध भ्रामक प्रचार गर्नेलाई कारबाही गर्ने चेतावनी दिएको थियो ।
आयोगको यो चेतावनीपछि नेता रावलले असन्तुष्टि जनाएका हुन् । ‘कसैलाई मतदान गरौं वा नगरौं भन्न नपाइने भए निर्वाचन आयोगले ‘शीर्ष’ ठानेका नेताहरूलाई अहिले नै ‘विजयी’ घोषणा गरिदिए कसो होला?,’ रावलले ट्विटरमा प्रश्न गरेका छन् ।
आयोगको भनाइ नेपालको संविधानको धारा १७ को विचार र अभिव्यक्तिको स्वतन्त्रता र १९ को सञ्चारको हकविरुद्ध रहेको उनको भनाइ छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
