भारतले महाकालीपारि सडक विस्तार गर्दा विस्फोट गर्ने क्रममा ढुंगा उछिट्टिएर नेपाली बालक पवन महराको ज्यान गएको घटनामा नेकपा एमाले अध्यक्ष केपी शर्मा ओलीले सरकारसँग प्रश्न गरेका छन् ।
सामाजिक सन्जाल फेसबुकमा एउटा स्टाटस लेख्दै ओलीले प्रधानमन्त्री ओलीलाई प्रश्न गरेका छन्– मौनता कहिलेसम्म ?
शुक्रबार दार्चुलास्थित महाकालीपारि पिथौरागढ जिल्लामा धार्चुला तहसिलमा सडक विस्तार गर्ने क्रममा विस्फोट गराउँदा उछिटिएर आएको ढुंगाले लागेर १४ वर्षीय पवन महराको मृत्यु भएको थियो ।
ढुंगा लागेर १४ वर्षीया बालिका सरिना महरासहित केही स्थानीय घाइते समेत भएका थिए ।
‘घटनाको तत्काल छानबिन गरी सत्यतथ्य बाहिर ल्याउन, दोषीमाथि कारबाही गर्न र पीडित परिवारलाई तत्काल क्षतिपूर्ति उपलब्ध गराउन सरकारसँग माग गर्दछु,’ उनले भने, ‘तुइन काटेर गत वर्ष जयसिंह धामीलाई मारिएको घटनामा जस्तै प्रधानमन्त्री देउवाको मौनता कहिलेसम्म रु’
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।