निर्वाचन आयोगले धनुषा निर्वाचन क्षेत्र नम्बर–३ को प्रतिनिधिसभा सदस्य पदका उम्मेदवार जुलीकुमारी महतोसँग स्पष्टीकरण सोधेको छ ।
आगामी मंसिर ४ गते हुने निर्वाचनका लागि धनुषा क्षेत्र नम्बर–३ मा नेकपा एमालेकी उम्मेदवार महतोले आफ्नो गाडीको पछाडि चुनावी फ्लेक्स टाँसेर निर्वाचन आचारसंहिताविपरीत प्रचारप्रसार गरेको भन्दै आयोगले २४ घण्टे स्पष्टीकरण सोधेको हो ।
त्यस्तै, आयोगले प्यूठानका उम्मेदवार सूर्य थापासँगसमेत २४ घण्टे स्पष्टीकरण सोधेको छ । थापाले बालबालिकाको प्रयोग गरी चुनावी गीत गाउन लगाएको भन्दै आयोगले स्पष्टीकरण सोधेको हो ।
उनीहरु दुवैजना नेकपा एमालेका तर्फबाट प्रतिनिधिसभाका उम्मेदवार हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।