स्विडिस स्ट्राइकर ज्लाटन इब्राहिमोभिचले केलियन एम्बाप्पे,नेयमार तथा लियोनल मेस्सीजस्ता स्टार खेलाडी भए पनि आफूबिना फ्रेन्च लिग वानको सान गुम्दै गएको दाबी गरेका छन् ।
सन् २०१२ देखी २०१६ सम्म पेरिस सेन्ट जर्मेन (पिएसजी) बाट खेलेका उनले सबैखाले प्रतियोगिता गरि १२ उपाधि जितेका थिए । उनले पिएसजीबाट १५६ गोल गरेका थिए । इब्राहिमोभिच हाल इटालियन सिरी ‘ए’ क्लब एसी मिलानमा छन् ।
उनले लिग वानमा आफ्नो अनुपस्थिति खट्किएको दाबी गरेका हुन् । ‘मैले पिएसजी छोडेपछि फ्रेन्च लिग वानको जुन उचाइ थियो, त्यो घट्दै गएको छ’,इब्राहिमोभिचले भने, ‘लिगको रौनकता नै छैन । र, लिग वानले आफ्नो रौनकता फर्काउन म त्यहाँ फर्कनुपर्छ ।’
‘तर मलाई आफ्नो स्वभाविक लयमा रहन फ्रान्स नै फर्कनुपर्छ भन्ने छैन । म फुटबलको भगवान हुँ, त्यसैले नेयमार,एम्बाप्पे र मेसीको उपस्थितिले मात्र लिग वानको रौनकता फर्किँदैन’, उनले थपे ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
