भारतमा किसानले पराल जलाउँदा निस्किएको धुवाँका कारण नेपालमा प्रदूषण भित्रिएको छ ।
हरियाणा र पञ्जाबमा किसानले पराल जलाउँदा निस्किएको धुवाँ पश्चिम तराईका जिल्लामा प्रवेश गरेको हो ।
यो प्रदूषणको असर काठमाण्डौलगायत देशका विभिन्न भागमा शुक्रबारसम्म देखिन सक्ने मौसमविद्को भनाइ छ ।
भारतको हरियाणा र पञ्जाबमा किसानहरूले मेसिनले धान काट्दा परालको झन्डै डेढ फिटको ठुटा बाँकी रहन्छ । त्यसलाई किसानले खेतमै जलाउने गरेका छन् ।
पञ्जाब र हरियाणाका किसानले खेतको परालमा आगो लगाएबापत जरिबाना पनि तिर्नुपर्ने व्यवस्था छ । किसानले गहुँको बिउ छर्नका लागि जरिबाना तिरेरै पराल जलाउने गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
