दिल्लीको मंडोली जेलमा रहेका सुकेश चन्द्रशेखरले सत्येन्द्र जैनमाथि जसरी गम्भीर आरोप लगाएका थिए, उनले अब दिल्लीका मुख्यमन्त्री अरविन्द केजरीवालमाथि पनि त्यस्तै गम्भीर आरोप लगाएका छन् ।
उनले एउटा चिठी लेखेर सनसनीखेल दाबी गरेका छन् ।
उनले लेखेकोे चार पन्ने चिठीमा केजरीवालले उनीसँग ५० करोड रुपैयाँ लिएको आरोप लगाएका छन् । अनि राज्यसभाको सिट अफर गरेको पनि दाबी गरेका छन् ।
उनले आफू देशको सबैभन्दा ठूलो ठग भएको भए केजरीवालले किन राज्यसभाको सिटको अफर गर्दै आफूसँग ५० करोड रुपैयाँ लिएको भन्दै प्रश्न गरेका छन् ।
उनले २०१६ मा केजरीवालसँग हयात होटलमा भएको डिनर पार्टीको पनि उल्लेख गरेका छन् । केजरीवालले आफूसँग आम आदमी पार्टीमा जोडिएर ५ सय करोड जुटाउन अनुरोध गरेको पनि उनले दाबी गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
