विश्वकप फुटबलको लाइभ प्रसारणबापत अतिरिक्त शुल्क नउठाउन सर्वोच्चकाे आदेश
फरकधार / २२ कात्तिक, २०७९

सर्वोच्च अदालतले विश्वकप फुटबलको लाइभ प्रसारण गरेबापत ग्राहकबाट अतिरिक्त शुल्क नउठाउन अल्पकालीन आदेश जारी गरेको छ । मंगलबार न्यायाधीश प्रकाशमान सिंह राउतको एकल इजलासले यस्ताे आदेश दिएको हो । 



अधिवक्ता किशोर पौडेलले यसबारे कात्तिक २० गते रिट निवेदन दायर गरेका थिए । अदालतले अन्तरिम आदेश जारी गर्ने विषयमा छलफलका लागि दुवै पक्ष डाक्दै यस्तो आदेश दिएको हो । 

अब अन्तरिम आदेशका लागि कात्तिक २७ गते दुवै पक्षसहितको छलफल हुनेछ । रिटमा राष्ट्रिय प्रसारण नियमावलीमा सरकारले बाहेक रकम तोक्न नपाउने व्यवस्थालाई आधार बनाइएको छ ।



विश्वकप फुटबल आगामी मंसिर ४ देखि सुरु हुँदै छ । अर्को आदेश नभएसम्मका लागि विश्वकप लाइभ प्रसारणका नाममा ग्राहकबाट अतिरिक्त शुल्क उठाउन पाइने छैन ।



  • प्रकाशित मिति : कात्तिक २२, २०७९ मंगलबार १७:५१:३,   अन्तिम अपडेट : कात्तिक २२, २०७९ मंगलबार १७:५३:६

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया