नेपाल क्रिकेट संघ (क्यान)ले प्रधानमन्त्री कप एकदिवसीय क्रिकेट प्रतियोगिताको सेमिफाइनल खेलको तालिका परिवर्तन गरेको छ ।
क्यानले मंगलबार एक विज्ञप्ति जारी गर्दै सेमिफाइनलको तालिका परिवर्तन गरिएको जनाएको हो ।
नयाँ तालिकाअनुसार दुवै खेल कीर्तिपुरस्थित त्रिवि क्रिकेट मैदानमा हुनेछ । २४ गते पहिलो सेमिफाइनलमा समूह ‘ए’को विजेता एपीएफ क्लब र समूह ’बी’को उपविजेता मधेस प्रदेशबीचको खेल हुनेछ ।
२५ गते समूह ’बी’को विजेता नेपाल पुलिस क्लब र ’ए’को उपविजेता त्रिभुवन आर्मी क्लब भिड्नेछन् ।
यसअघि, दुवै सेमिफाइनल खेल २४ गते नै त्रिवि क्रिकेट मैदान र मुलपानी मैदानमा हुने तालिका थियो ।
फाइनल खेल भने २६ गते नै हुनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।