घरेलु टोली नेपालले अन्तर्राष्ट्रिय एकदिवसीय सिरिजअन्तर्गत तेस्रो तथा अन्तिम खेलमा आज यूएईको सामना गर्दैछ ।
खेल कीर्तिपुरस्थित त्रिवि क्रिकेट मैदानमा बिहान ९ बजे सुरु हुनेछ । सिरिज १–१ को बराबरीमा रहेकाले दुवै टोली यो निर्णायक खेल जित्ने लक्ष्यका साथ मैदान उत्रनेछन् ।
सिरिजको पहिलो खेलमा यूएई ८४ रन तथा दोस्रो खेलमा नेपाल तीन विकेटले विजयी भएका थिए । नेपाल आजको खेल जित्दै सिरिज आफ्नो पक्षमा परेर इतिहास रच्न चाहन्छ ।
यदि यो सिरिज जितेमा नेपालले घरेलु मैदानमा पहिलोपटक दुई देशीय एकदिवसीय सिरिज आफ्नो पक्षमा पार्नेछ । पपुवा न्यूगिनीसँग नेपालले यसै वर्ष घरेलु भूमिमा दुई खेलको अन्तर्राष्ट्रिय एकदिवसीय सिरिज २–० ले गुमाएको थियो ।
यूएई पनि आजको खेलमा जित हात निकालेर २०१९ मा घरेलु मैदानमै बेहोरेको हारको बदला लिन चाहन्छ । त्यति बेला नेपालले तीन खेलको सिरिज २–१ को जित हात पारेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।