धनुषामा घरमै सुतिरहेको अवस्थामा एक महिलाको हत्या भएको छ ।
जिल्लाको बटेश्वर गाउँपालिका–५ शान्तिपुरकी २७ वर्षीया रितादेवी यादवको हत्या भएको धनुषाका प्रहरी नायब उपरीक्षक प्रदीप क्षेत्रीले जानकारी दिए ।
गएराति धारिलो हतियार प्रहार गरी रितादेवीको हत्या गरेको आशंकामा उनका श्रीमान् वीरेन्द्र यादवलाई नियन्त्रणमा लिएको डिएसपी क्षेत्रीले जानकारी दिए ।
गम्भीर घाइते भएकी रितादेवीलाई वीरन्द्रले उपचारका लागि भन्दै अस्पताल पुर्याएका थिए । अस्पताल पुग्नुअघि नै उनको मृत्यु भइसकेको अस्पताललाई उदृत गर्दै प्रहरीले जनाएको छ ।
घटनाबारे विस्तृत विवरण आउन बाँकी छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
