सहिद स्मारक ए डिभिजन लिग फुटबलमा खुमलटार एफसीले दोस्रो जित निकालेको छ । सोमबार भएको खेलमा खुमलटारले हिमालयन शेर्पालाई २–१ गोलअन्तरले पराजित गरेको हो ।
च्यासल रंगशालामा भएको खेलमा खुमलटारको जितमा मनिष थापा र स्टेफन विनोङले गोल गरे । यता, हिमालयन शेर्पाका लागि विश्वास श्रेष्ठले गोल फर्काए । पहिलो हाफमा एक गोलको अग्रता बनाएको खुमलटारले दोस्रो हाफमा थप एक गोल गर्दा एक गोल खान पुग्यो ।
खेलको २२औँ मिनेटमा मनिषले गोल गर्दै खुमलटारलाई १–० गोलको अग्रता दिलाए । खेलको ६५औँ मिनेटमा स्टेफनले गोल गरेपछि खुमलटारले २–० गोलको अग्रता बनायो । तर, खेलको ८०औँ मिनेटमा विश्वासले गोल गर्दै हिमालयन शेर्पालाई २–१ को स्थितिमा ल्याए । बाँकी समयमा शेर्पाले गोल फर्काउन नसकेपछि खेल खुमलटारले जितेको हो ।
यो जितसँगै खुमलटारले चार खेलबाट ६ अंक बनाएको छ । यता, पराजित भएको हिमालयन शेर्पाको चार खेलबाट चार अंक छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।