सहिद स्मारक ‘ए’ डिभिजन लिगमा चर्च ब्वाइज युनाइटेड र फ्रेन्ड्स क्लब बराबरीमा रोकिएका छन् ।
त्रिपुरेश्वरस्थित दशरथ रंगशालामा भएको खेलमा चर्च ब्वाइज फ्रेन्ड्सबीच १–१ को बराबरी भएको हो ।
खेलको २१औँ मिनेटमा जोस्पे बेम्पाले गोल गर्दै चर्च ब्वाइजलाई अग्रता दिलाएका थिए । तर, ७३औँ मिनेटमा अमित श्रेष्ठले गोल गर्दै फ्रेन्ड्सलाई खेलमा फर्काएका थिए ।
बराबरीसँगै आठ खेलबाट १४ अंक जोडेको चर्च तालिकाको तेस्रो स्थानमा छ । समान खेलबाट पाँच अंक जोडेको फ्रेन्ड्स तालिकाको १२औँ स्थानमा छ ।
बिहीबर भएकै अर्को खेलमा थ्री स्टार क्लबले नेपाल पुलिस क्लबलाई १–० ले पराजित गरेको थियो । यससँगै थ्री स्टारले आठ खेलमा चार जित, दुई बराबरी र दुई हारको नतिजासहित १४ अंक जोडेको छ ।
पराजय व्यहोरेको पुलिसको समान खेलमा एक जित, एक बराबरी र ६ हारको नतिजासहित चार अंक छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।