नेपाली कांग्रेसका सभापति शेरबहादुर देउवाले पदाधिकारीको आकस्मिक बैठक बोलाएका छन् ।
पूर्वगृहमन्त्री एवं पार्टी केन्द्रीय सदस्य बालकृष्ण खाण पक्राउ परेपछि उनले पदाधिकारी बैठक बोलाएका हुन् ।
कांग्रेस स्रोतका अनुसार देउवाले ५ बजे आफ्नै निवास धुम्बाराही बस्ने गरी आकस्मिक बैठक बोलाएका हुन् ।
खाण आज बिहान आफ्नै निवासबाट पक्राउ परेका थिए । आजै प्रमुख तीन दलका शीर्ष नेताबीच सिंहदरबारमा भेटवार्ता भएको थियो ।
बैठकको बीचमा गृहमन्त्री नारायणकाजी श्रेष्ठलाई बोलाइएपछि उनी पनि पनि बैठकमा सहभागी भएका थिए ।
शीर्षनेताहरुले गृहमन्त्रीसँग छलफल गरेलगत्तै कांग्रेस सभापति देउवाले कांग्रेसको पदाधिकारी बैठक बोलाएका हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
