न्युरोड टिम (एनआरटी) र विभागीय टोली एपिएफ क्लबले सहिद स्मारक ए डिभिजन लिगमा जित निकालेका छन् ।
त्रिपुरेश्वरस्थित दशरथ रंगशालामा बुधबार भएको खेलमा एनआरटीले आर्मीलाई १-० गोलले हरायो । च्यासलमा भएको अर्को खेलमा एपीएफले संकटा क्लबलाई २-१ गोलले हरायो । एनआरटीको जितमा कृतिसरत्न छुन्जुले निर्णायक गोल गरे ।
छुन्जुले ७९औं मिनेटमा गरेको गोल टोलीको जितमा प्रयाप्त बन्यो । एनआरटीको यो छैटौं जित हो । एनआरटीले २१ खेलमा २६ अंक जोडेको छ । आर्मीको समान खेलबाट २९ अंक छ ।
यस्तै, एपिएफको जितमा आवास लामिछानेले २५औं र पहिलो हाफको इन्जुरी समयमा गोल गरे । संकटाका मनिसा डाँगीले ५०औं मिनेटमा सन्त्वना गोल गरे । जितसँगै एपिएफको २१ खेलबाट २६ अंक पुगेको छ । पराजित संकटाको समान खेलबाट २३ अंक छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
