नेपाली कांग्रेसका सभापति तथा पूर्वप्रधानमन्त्री शेरबहादुर देउवा मंगलबार सिंगापुर जाँदैछन् । उनी नियमित स्वास्थ्य परीक्षणका लागि आज राति ११ बजे सिंगापुर एयरलाइन्समार्फत् त्यता जान लागेका हुन् ।
देउवाको सचिवालयका अनुसार पेटसम्बन्धी समस्या देखिएपछि उनले केही वर्षअघिदेखि सिंगापुरको अस्पतालमा नियमित उपचार गराउँदै आएका छन् । देउवा त्यही समस्याको फलोअपका लागि सिंगापुर जान लागेका हुन् ।
सचिवालयका अनुसार पत्नी आरजु राणासहित सिंगापुर जान लागेका देउवा करिब एक सातापछि स्वदेश फर्कने छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।