साफ च्याम्पियनसिप अन्तर्गत नेपाल र भारतबीचको खेलको पहिलो हाफ गोलरहित बराबरीमा सकिएको छ ।
शनिबार साँझ बेंगलुरुस्थित कान्तिरवा रंगशालामा भएको खेलको पहिलो हाफमा नेपालले गोलका लागि केही अवसर बनाए पनि गोल गर्न सकेन ।
नेपालले अघिल्लो खेलमा तीन परिवर्तन गर्दै विमल घर्ती मगर, आयुष घलान र देवेन्द्र तामाङलाई पहिलो रोजाइमा खेलाएको थियो । मिडफिल्डबाट केही बल निस्किए पनि नेपालको फिनसिङ चुस्त हुन सकेन ।
विमल र मनीष डाँगीले गोल गर्ने अवसर गुमाउँदा एरिक विष्टको प्रहार भारतीय गोलकिपर गुरिप्रित सिंह सान्धुले बताएका थिए ।
भारतीय कप्तान सुनिल क्षेत्रीलाई भने नेपाली डिफेण्डरले खुलेर खेल्न दिएनन् । क्षेत्रीले पहिलो खेलमा पाकिस्तान विरुद्ध ह्याट्रिक गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।