नेपाली राष्ट्रिय फुटबल टोलीकी फरवार्ड सावित्रा भण्डारी सम्मिलित हापोएल रानाना महिला फुटबल क्लब इजरायलको एथेना कपको फाइनल पुग्नबाट वञ्चित भएको छ । बिहीबार राति भएको खेलमा लिग च्याम्पियन किर्यात गातसँग पराजित भएपछि रानानाको यात्रा सेमिफाइनलमा रोकिएको हो ।
युरोपेली च्याम्पियन लिगको छनोट खेल्ने तयारीमा रहेको किर्यात गातले ३–० को जित निकाल्दै फाइनलको स्थान सुरक्षित गरेको छ । पछिल्ला खेलमा फराकिलो हार बेहोरेको रानानाले लिग च्याम्पियनविरुद्ध भने राम्रो प्रदर्शन गर्यो ।
नेपाली फरवार्ड साम्बाले बलियो प्रतिद्वन्द्वी विरुद्ध केही अवसर पाए पनि विपक्षी गोलरक्षक बाधक बन्दा गोल गर्न सकिनन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।