साफ यू–१९ च्याम्पियनसिपअन्तर्गत आफ्नो पहिलो खेलमा घरेलु टोली नेपाल १–० शून्यले पराजित भएको छ ।
दशरथ रंगशालामा भएको खेलमा मध्यान्तरअघिसम्म गोलरहित बराबरी खेलेको नेपाललाई पराजित गर्न पाकिस्तानका लागि अली जफ्फरले ७५औँ मिनेटमा गरेको गोल नै निर्णायक बन्यो ।
उनले खेलको ७५औँ मिनेटमा उत्कृष्ट गोल गर्दै घरेलु समर्थकलाई स्तब्ध बनाएका हुन् ।
पहिलो हाफमा केही दबाबमा खेलेको नेपालका लागि गोलरक्षक तथा कप्तान जियारथ शेखले उत्कृष्ट प्रदर्शन गरेका थिए ।
खेलको नवौँ मिनेटमा मुहम्मद अदिल योउनासको फ्रिकिक पोष्टको माथिबाट बाहिरिएको थियो । ११औँ मिनेटमा कुशल देउवाको पासमा समीर तामाङको प्रहारले पोष्टको गति लिन सकेन ।
२७औँ मिनेटमा शाहजहानको फ्रिकिक गोलरक्षक जियारत शेखले पन्च गर्दै बचाएका थिए ।
नेपालले समूहको दोस्रो तथा अन्तिम खेलमा सोमबार मालदिभ्ससँग खेल्नेछ । ६ टोली सहभागी प्रतियोगितामा समूहका शीर्ष दुई टोली सेमिफाइनल पुग्नेछन् ।
नेपालले यो प्रतियोगिता सन् २०१५ मा जितेको थियो । यसबीचमा यु–१९ स्तरीय साफ च्याम्पियनसिप आयोजना भएको थिएन ।
सन् २०१७ र २०१९ मा साफ यु–१८ च्याम्पियनसिप भएको थियो भने सन् २०२२ मा साफ यु–२० च्याम्पियनसिप आयोजना भएको थियो ।
नेपालले सन् २०१७मा आयोजना भएको साफ यु–१८ च्याम्पियनसिप पनि जितेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।